ONM-ABO Amajjii 11, 2025
Pirezidaantiin Raashiyaa Vilaadmiir Puutiin pirezidaantii Ameerikaa filatamaan Doonaald Tiraamp waliin wal arguuf qophii ta’uu dubbi himaan Kiremlin Dimitiri Peeskov Jimaata kaleessaa ibsaniiru.
Walgahii akkasii kanaaf Raashiyaan haal-duree kaa’uu fi dhiisuu ishee ibsa gaazexeessitootaaf Moskootti kenname irratti gaafatamanii Peskov walgahii tokkoof fedhii waliinii qofatu barbaachisa jedhan.
“Kanaaf haalli kamuu hin barbaachisu. Marii irratti bobba’anii dhimmoota jiran mariidhaan hiikuuf fedhii fi fedhii siyaasaa waliinii gaafata,” jedhan.
Moskoon yaada pirezidaantiin Ameerikaa filataman mariidhaan dhimmoota furuuf qaban ni simatti jechuun hubachiisaniiru.
Bulchiinsi ammaa pirezidaantii Ameerikaa aangoo gadhiisaa jiran Joo Baayiden dhuma baatii kanaa Doonaald Tiraamp gara Waayit Haawusitti deebi’uu isaanii dura dhimmoota walxaxaa akka jiru dubbi himaan Kiremlin himaniiru jechuun CNN gabaaseera.
