ONM-ABO Amajjii 11, 2025
Murni jiguuf lubbuun keessaa ba’uu didee kokkeetti rakkachaa jiru Bilxiginnaan, tibba kana ammoo waan kufaatii oolu itti fakkaachuun kutaalee impaayerattii cufa keessaa jiraattota saalaa fi umuriin osoo adda hin qoodin dirqamaan gara leenjii waraanaatti geessuu itti fufanii jiru.
Haaluma kanaan torbeema kana keessa magaalaa Shaggar kutaa bulchiinsa magaalaa Buraayyuu dabalatee kanneen biroo hedduu keessatti ergamtoonni sirna moofaa suphuuf halkanii fi guyyaa jooran saboota kan biroo irraa addatti, dargaggoota Oromoo irratti xiyyeeffachuun jumlaan ukkaamsanii gara mooraa leenjii waraanaatti guuraa kan jiran ta’uu maddeen Arraata Biyyoolessa Oromiyaatti himanii jiru.
Akkasumas, Baha Shaggar magaalaa Adaamaa dabalatee bakkeewwan addaa addaattis haaluma wal fakkaatuun jiraattota leenjii waraanaaf ukkaamsuun jabaatee itti fufee jiraachuu maddeen itti dabaluun eeraniiru.
