ONM-ABO Gurraandhala 9, 2025
Kibba dhiha Chaayinaa bulchiinsa Sichuyaan keessatti Sanbata kaleessaa sigiga lafaa mudateen namoonni 30 ol achi buuteen isaanii dhabamuu dhaabbatni oduu mootummaa Chaayinaa CCTV’n gabaaseera.
Balaa kanaanis ”Manneen kudhan awwaalamanii kan turan yoo ta’u, namoonni 30 ol achi buuteen isaanii dhabameera,” jedha CCTV.
Itti dabaluudhaanis, “Pireezidaantiin Chaayinaa Shiin Jiinping aanga’oonni ‘namoota badan sakatta’uu fi baraaruuf, miidhaa irra ga’u xiqqeessuu fi miidhaa booda dhufu sirnaan akka to’atamuuf waan danda’amu hunda akka godhan ajajee ture,” jedheera.
“Ministeerri Bulchiinsa Balaa Tasaa Chaayinaa barreeffama toora interneetii irratti baaseen namoonni lama baraaramuu isaanii ibseera.”
Itti dabaluudhaanis, ”Gareen deebii hatattamaa bakka sanatti namoota lubbuun hafan barbaadaa turan,” jedheera jechuun AFP’n gabaaseera.
