ONM-ABO Bitootessa 26, 2025
Aanaa Waayyuu Tuqaa ganda Kiichii jedhamu irraa Bitootessa 23, 2025 ergamtoonni sirnichaa sababa tokko malee shamarran lama kanneen maqaan isaanii:
- Badhaanee Darajjee fi
- Eebbisee Darajjee jedhaman
ukkaamsuun mana hidhaatti darbatanii hiraarsaa jiraachuu maddeen Arraata Biyyoolessa Oromiyaatti himanii jiru.
Akka maddeen himanitti, shamarran kunneen obboleeyyan ilmaan abbaa tokkoo fi siyaasa kam illee kan hin hordofne yoo ta’u, waraanni maafiyaan PP ammoo maqaa “Waraana Bilisummaa Oromoo deggertu” jedhuun yakkanii hidhuu Arraata Biyyoolessa Oromiyaaf eeranii jiru.
Ilmaan Oromoo Oromummaa isaanii qofaaf yakkuun miidhaa ulfaataa irraan gahuu kan amaleeffate waraanni sirnichaa, yeroo ammaa kanas kutaalee impaayerattii cufa keessaa akka bineensaatti adamsee hidhaatti guuruu jabeessee itti fufee jira.
