ONM-ABO Ebla 8, 2025
Qellem Wallaggaa aanaa Gidaamii bakkeewwan akka; Giraayii Sonkaa, So’ii, Abootee, Giraayii Biishaa fi kanneen biroo hedduu keessatti tiksitoonni bututtuu impaayera Itiyoophiyaa wayita ammaa kana maqaa kaffaltii gibiraa jedhuun haadha hiyyeessaa godoo keessa jiraattu malee homaa waan tokkollee hin qabne irraa gadi aanaan qarshii 3,000 fi kanneen biroo irraa ammoo hanga qarshii 20,000’tti dirqamaan saamaa jiraachuu jiraattonni dubbisne tokko tokko ONM’tti himanii jiru.
Kana malees, gandoota kanneen keessatti yerooma wal fakkaataa maqaa kaffaltii Inshuraansii Fayyaa jedhuunis hawaasa harka qalleeyyii irraa qarshii 2,000-3,000 afaan qawween doorsisuun guuraa kan jiran ta’uun dabalataan eeramee jira.
Aanicha guutummaa keessatti hawaasni ofiifuu qaala’iinsa jireenyaan kokkee wal qabaa jiraatu saamicha hamaa kanaaf jecha gara itti deebi’u dhabuun akka malee hiraarfamaa jiraachuun ibsameera.
