ONM-ABO Waxabajjii 20, 2025
Yukireen Kamisa kaleessaa akka jettetti, Raashiyaan ji’a sadii oliif yaada Ameerikaa fi Yukireen lola waggaa sadii haal-duree tokko malee akka dhaabbatu gaafatan didde jette.
“Yukireen yaada nagaa Ameerikaan guutummaatti dhukaasa dhaabuuf, ajjeechaa kana akka dhaabdu, fi adeemsa nagaa dhugaan fuulduratti tarkaanfachiisuuf dhiyaate erga fudhattee booda guyyoota 100 ta’eera. Raashiyaan tarkaanfii bu’uuraa jalqabaa kana nagaa buusuuf erga fudhattee guyyoota 100 ta’eera,” jechuun Ministirri dhimma Alaa Andii Siibigaa ibsa kennaniin dubbatan.
Prezidaantiin Raashiyaa Vilaadmiir Puutiin gama isaan Kamisa darbe gita isaanii Yukireen Voldaameer Zelenskii waliin wal arguuf qophii ta’uu ibsuun, garuu marii “marsaa dhumaa” waldhabdee waggaa sadii xumuruu irratti taasifamu qofa akka ta’e himaniiru.
