ONM-ABO Adoolessa 29, 2025
Jiraataa godina Iluu Abbaa Booraa aanaa Daarimuu ganda Effarsii kan ta’e dargaggoon maqaan isaa Alamuu Tolasaa jedhamu torban darbe keessa fira dubbisuuf gara godina Lixa Wallaggaa aanaa Sayyoo Noolee yeroo deemu ergamtoonni sirnichaa badii tokko malee ukkaamsuun waajjira ganda Samarrootti hidhanii hiraarsaa jiraachuu maddeen Arraata Biyyoolessa Oromiyaatti himanii jiru.
Dargaggoon kun tuttuqqaa siyaasa dhaaba kamiiyyuu kan hin qabne yoo ta’u, maqaa “shakkamaa siyaasaati” jedhuun kan hidhame ta’uu maddeen itti dabaluun Arraata Biyyoolessa Oromiyaaf eeranii jiru.
Haalli yeroo ammaa Oromiyaa keessatti adeemaa jiru yaaddessaa ta’uu fi ba’anii galuun akka ulfaate kan himan maddeen, ergamtoota sirnichaan jiruu fi jireenyi itti ulfaachuun namuu of jibbee sadarkaa of ajjeesuu irra ga’aa jiraachuun ni beekama.
