ONM-ABO Adoolessa 30, 2025
Godina Buunnoo Beddellee aanaa Cawwaaqaa ganda Daabanaa keessaa lukkeeleen PP maqaa “waajjira gandaa ijaarra” jedhuun hawaasa doorsisanii baargamoo hawaasaa akka barbaadan itti nam’anii jalaa muruun waajjira gandaa ijaaraa jiraachuu jiraattonni gandichaa Arraata Biyyoolessa Oromiyaatti himan.
Lukkeeleen kunneen, saamicha hawaasa irratti raawwatan heddummeessuun, qonnaan bultoota maqaan isaanii:
- Abdii Diimaa fi
- Kaliif Ahimad Muusaa
jedhaman jalaa baargamoo lakkoofsaan hedduu ta’an gaaffii tokko malee qabeenyi kee Bilxiginnaa nuuf hin caalu jechuun jalaa muranii ittiin waajjira gandaa ijaaruu himaniiru.
Gareen akka fedhetti socho’uu fi waan fedhe uummata irratti raawwachaa jiru Bilxiginnaan aanaa Cawwaaqaa keessatti badii tokko malee uummata maqaa siyaasaan hidhaa fi ajjeesaa akkasumas qabeenyaa isaanii saamaa jiraachuu dabaluun ibsaniiru.
