ONM-ABO Guraandhala 4, 2026
Godina Lixa Wallaggaa aanaa Jaarsoo ganda Dida’aa Gorbaa keessatti Amajjii 24, 2026 waraanni faashistii PP namoota nagaa uukkaamsanii hidhuun hiraarsaa jiraachuu jiraattotni himan.
Waraanni uummata nagaa irratti yakkoota garaagaraa raawwachuu aadaa taasifatanii jiran kunneen, namoota maqaan isaanii:
- Barsiisaa Sanbatoo Waaqjiraa,
- Lalisaa Gaarumaa, fi
- Peexiroos Mokonnon
jedhaman yakkuun badii tokko malee Waajjira Poolisii Aanichaatti hidhanii hiraarsaa jiraachuu jiraattotni ONMf addeessani jiru.
Namootni armaan oliitti hidhaman kunneen hojii dhuunfaa isaanii fi kan mootummaa illee hojjechuun kan of jiraachisan yoo ta’u, waraanni faashistii PP garuu isintu Waraana Bilisummaa Oromoof odeeffannoo kennee nu rukuchiisaa jira jechuun hidhanii hanga gabaasni kun qindaa’etti mana hidhaa keessatti dararaa irratti raawwachuun lubbuu isaaniif haala yaaddessaa keessa jiraachuu jiraattotni dubbatu.
Murni Bilxiginnaa maqaa sobaa uummata nagaatti maxxansu malee Waraanni Bilisummaa Oromoo yeroo fi bakka fedhetti tarkaanfii waraana PP irratti fudhachaa ture hawaasni ammoo jiruu fi jireenya dhuunfaa isaa jiraata jechuun jiraattotni gandichaa tokko tokko dubbisne dubbatu.
