ONM-ABO Mudde 4, 2023
Gareen maafi’aa PP namoota nagaa dararee aangoo isaa dheereffachuuf of ijaare, waraana isaaf amanamoo ta’aan Oromiyaa keessatti bobbaasuun ajjeechaa, hidhaa fi saamicha raawwatu itti fufee jira.
Torbee darbe Sadaasa 27, 2023 loltootni PP Mootummaa Naannoo Beenishaangul Gumuz aanaa Toongoo ganda Uushuu irraa abbaa fi ilma Waraana Bilisummaa Oromoo deggertu jechuun reebicha hamaa hanga mataa baqaqsanitti irratti raawwachuun magaalaa Toongootti geessanii mooraa waraanaatti hidhanii jiru.
Namootni Oromummaa isaaniin reebamuun hidhaman kunis Guutaa Baay’ataa fi Kamaaladdiin Guutaa ta’uun barameera.
Waraanni faashistii kun gocha hammeenyaa ilmaan Oromoo irratti raawwachuu itti fufuun Roobii darbe Sadaasa 29, 2023 godina Lixa Wallaggaa aanaa Begii ganda Duuluu Hundaaraa jedhamu keessaa namoota maqaan isaanii Jamulee Oliiqaa, Abdurrahiim Musxafaa fi Ismaa’el Sheek Huseen jedhaman badii tokko malee qabuun mana hidhaa magaalaa Begii keessatti dararaa jiraachuu maddeen aanaa Begii fi Toongoo irraa Arraata Biyyoolessa Oromiyaatti himaniiru.
