ONM-ABO Waxababajjii 22, 2024
Ergamtootni sirnichaa uummata Oromoo dararuu fi godinaalee Oromiyaa adda addaa irratti ajaja Kolonel Abiy Ahimediin bobbaafaman godina Baha Wallaggaa ona Jimmaa Arjootti jiraattota saamaa fi dararaa jiraachuun ibsame.
Onichatti dararaa adda addaa uummata irratti geggeessaa kan jiran murnoonni bilxiginnaa ganda Qumbaa jedhamu irraa Waxabajjii 7, 2024 nama maqaan isaa Obbo Abdiisaa Daggafaa jedhamu saanjaan waraanuun miidhaa qaamaa erga irraan ga’aniin booda midhaan ardaba afur, mi’a dukkaana tokko guutummaa isaa, bilbiloota hedduu fi qabeenya inni qabu hunda jalaa saamuun konkolaataatti fe’atanii deeman. Yeroo ammaa kana miidhaa qaamaa isa mudateen du’aa fi jireenya gidduu jiraachuu isaa jiraattonni itti dhiyeenyaan beekan dubbatu.
Kana malees, guyyuma kana nama maqaan isaa Obbo Gaarummaa Tamasgeen jedhamu jalaa maashina uffata hodhu afurii fi huccuu hin hodhamin jiru dukkaana tokko guutuu jalaa saamuu itti dabaluun eeraniiru.
