ONM-ABO Sadaasa 27, 2024
Duula ijibbaataa jabaa uummata Oromoo irratti meeshaalee qabu cufaan tarkaanfii fudhachuu jabeessuun uummata nagaa qe’ee fi qabeenyaa isaanii irratti lubbuu fi qabeenyaa isaanii ala gochuu jabeessee itti fufee jira.
Godina Kaaba Shaggar onoota hedduu keessatti sirni cunqursaan abbaa irree PP meeshaalee gurguddaa dirree waraanaa irrattiyyuu fayyadamuun seera addunyaan dhorkamaa ta’e uummata nagaa irratti dhukaasee lubbuuf qabeenya namaa barbadeessaa jiraachuu jiraattonni himatu.
Sadaasa 23, 2024 ona Kuyyuu gandoota Baadiyyaa hunda jechuun kan dandaa’amu dhukaasa meeshaalee gurguddaa kana itti dhukaasuun namoota oomisha ooyiruu irraa sassabachaa jiran meeshaa gurguddaa kana irratti dhukaasuun midhaan isaanii jalaa mancaasuu dubbatan.
Ona Kuyyuu magaalaa Garba-Gurraachaattis sirni shororkeessituun abdii ofirraa muratte kuusaa bishaanii magaalaa Garba-Gurraachaa keessa jiru Sadaasa 25, 2024 rukutuun akka uummataaf tajaajila hin kennine gochuun rakkoof saaxilanii jiraachuus dabaluun himaniiru.
