ONM-ABO Sadaasa 2, 2025
Kaaba Meksikootti Sanbata kaleessaa dhoohinsi dukkaana gurguddaa irratti raawwateen yoo xiqqaate lubbuun namoota 23 darbuu fi 11 madaa’uu qondaaltonni biyya keessaa himan.
Bulchaan bulchiinsa Sonora Alfonso Durazo ergaa viidiyoo yeroo lakkoofsi namoota lubbuun darban beeksisan, ”Kan nama gaddisiisu miidhamtoonni nuti arganne hedduun isaanii daa’imman umriin isaanii hin geenye turan,” jedhan.
Durazoon akka jedhanitti namoonni lubbuun hafan hospitaalota magaalaa Hermosillo bakka dhohinsi kun itti raawwatame keessatti yaalamaa turan.
“Sababni taatee kanaa adda baasuu fi namoota itti gaafatamummaa fudhatan adda baasuuf qorannoo bal’aa fi iftoomina qabu akka gaggeeffamu ajajeera,” jedhan.
Dhohinsi kun kan mudate mana daldalaa Waldo’s giddugala magaalattii keessatti.
Angawoonni nageenya hawaasaa naannoo “haleellaa” ykn “taatee gocha jeequmsaa waliin walqabatu” namoota nagaa irratti raawwatamu hambisan.
Pirezidaantiin Meeksikoo Kilaawudiyaa Sheenbaam X irratti gadda itti dhaga’ame ”maatii fi jaalalleewwan namoota du’aniif” iibsiteetti.
