ONM-ABO Waxabajji 13, 2023
Murni dhala namaaf naasuu hin qabne ilmaan Oromoo irrattii gochoota gara jabeenyaa raawwachuu erga eegalee Kan bubbule yoo ta’u, ilmaan Oromoo enyummaa Isaanii qofaaf sirna kolonii Impaayera Itoophiyaa keessatti dararaa ulfaataa keessumeessaa jiru.
Sabni akka gaanfa Afrikaatti guddaan, aadaa, afaan fi seenaa bal’aa qabu uummanni Oromoo dachee abbaa isaatii Oromiyaa irratti kabaja dhabuun, mirgi lubbuun jiraachuu fi nagaan ba’ee galuu dhabee jireenya jiraachuuf yaaddoo namatti ta’u keessa jira.
Badii waraanni PP godina kaaba Shaggar aanaa Yaayyaa Gullallee ganda Alii Dheeraa keessatti raawwataniin, miseensota Maatii garaagaraa mana tokko keessaa abbaa fi haadha hidhuun daa’imni abbaa fi haadha Isaanii dhabuun akkasumas Akka loon tiksee dhabdee bakkeetti facaa’aanii bineensaan nyaatamuu jiraattotni himan.
Haaluma kanaan waxabajji 7, 2023 namoota maqaan isaanii Girmaa kidaanee, Tasfaayee Addunyaa, Ibsaa Taakkalaa, Baay’isaa Guutaa, Adaanaa Tasfaayee, Addisuu Abbii, Biraanuu Lammaa, Abbabaa Damisee, Shukkaaree Addunyaa, Mangistuu Lammaa, shifarraa Tolchaa, Tasfaayee Taaddasaa, Amaasaa Takuu, Faanoos Haayiluu, Faanoos Nugusee fi Alamuu Gursaa namootni jedhaman Waraana murna biltsigginnaan qabamaanii hidhamuun, daa’imni namoota hidhamanii fi loon Isaanii bifa nama gaddisiisuun bakkeetti hafanii bineensaan nyaatamuu fi manni duwwaatti hafee qe’ee fi qabeenyi Isaanii manca’ee Jiraachuu jiraattoota dhimma kana irratti Arraatni Biyyoolessa Oromiyaa dubbise miira gaddaan guutamuun himan.
