ONM-ABO Fulbaana 8, 2023
Yakkootni ija addunyaa biratti ulfaatoo ta’aan hedduun murna bilxiginnaan Oromiyaa keessatti jabaatanii gaggeeffamaa Kan jiran yoo ta’u, Rasaasa loltoota sirnichaanis ilmaan Oromoo qe’ee isaanii gubbaatti Akka baalaa harca’aa jiru.
Haaluma kanaan godina lixa Shaggar aanaa Amboo ganda Galaan waddeessaa fi kaarraatti Fulbaana 5, 2023 waraanni PP ganda Dikii maadheffatee jiru sochii taasiseen ganda Kaarraa bakka addaa Cittuu jedhamtutti, qeerroo Hincaalaa Taayyee jedhamu yoo ajjeesan, Galaasaa Jifaara ammoo Magaalaa Ambootii qabuun ganda Galaan waddeessaa bakka addaa Bagaalloo jedhamtutti uummata duratti baasuun ajjeesuun ifoome.
Oduu biraatiin ammoo Ganda Galaan Waddeessaatti namootni nagaan hedduun Dubartoota dabalatee baatiilee hedduuf hidhamanii dararamaa akka jiranis maddeen Arraata Biyyoolessa Oromiyaatti himaniiru.
