ONM-ABO Onkoloolessa 23, 2023
Siyaasni hiikoo Kan harkatti dhabe kaadirootni PP ajjeessuu akka furmaata waaraatti ilaaluun, sagantaa guyyuu godhatanii dargaggoota Oromoo dhabamsiisaa jiru.
Onkoloolessa 21, 2023 jiraataa godina Qellem Wallaggaa bulchiinsa magaalaa Dambii Dolloo ganda 07 Kan ta’e namni maqaan isaa Maammush Tasfaa Oliiqaa jedhamu balleessaa tokko malee milishaa sirna bilxiginnaan ajjeefamuutu dubbatama.
Dargaggeessi kun dhibee sammuu akka qabu Kan dubbatan maddeen, daandii gubbaatti Waaree booda naannoo sa’a 8:00tti milishootni torbee darbe leenjii fudhachaa turanii eebbifamanii bobbaa’an tarkaanfii ajjeechaa gara-laafummaa tokko malee irratti fudhachuu maddeen dabaluun addeessaniiru.
