ONM-ABO Guraandhala 24, 2024
Bilxiginnaan jaarsolii biyyaa kabajaan qe’ee isaanii irra jiraatan gara addunyaa siyaasaatti oofuun fedhii fi karoora isaanii malee hojii loltummaatti dirqiin hirmaachisuun lammii irraa dhalatan akka ajjeesaniif golee Oromiyaa guutuu keessatti bobbaasuun ajjeechaa raawwachisaa Kan jiran, warreen shira sirnichi ilmaan Oromoof qabu hubatan ammoo ganuun WBOtti makamuu itti fufaniiru
Bifuma kanaanis Guraandhala 21, 2024 godina lixa Wallaggaa aanaa Lataa Sibuu bulchinsa magaalaa Warra-Jirruu irraa milishootni baay’inaan 5n ta’aan mooraa PP keessaa baduun WBO bira nagaan akka ga’aan beekameera
Gama WBOtiinis simannaan ho’aan taasifamuufiin gorsa Oromummaa yakkoota osoo beekanis ta’ee osoo hin beekiin ilmaan Oromoo irratti raawwataniifis dhiifama gaafachuun gara fuula duraattis WBO waliin hiriiruun saba Oromoof gaachana akka ta’aanis waadaa seenaniiru
Mooraa sirna PP keessaas kilaashii 2 fi meeshaalee waraanaa garaagaraa qabatanii akka dhufanis dabaluun himaniiru
Xumura irrattis dhaamsa Oromummaa fakkattoota isaanii mooraa PP keessatti hafuun dhiibbaa saba Oromoo irratti taasisaa jiraniin yeroon gara WBOtti dabalamuun Oromiyaa walabaa ijaaruuf dammaqaa jechuun dhaamsa dabarsaniiru.
