ONM-ABO Ebla 17, 2024
Godinaalee Oromiyaa cufa keessatti dararaa murna bilxiginnaan irratti raawwatu keessummeessaa kan jiru uummanni Oromoo ammas kanneen yeroo duraa caalmaatti miidhamaa jiraachuun kan beekamuudha.
Ebla 15, 2024 godina Arsii Bahaa aanaa Jajuu ganda Saqqee Bookichaa jedhamtu keessatti Maqaa WBO deggartu jedhu itti maxxansuun manneen jiraattootaa abiddaan gubanii barbadeessuu maddeen gabaasan.
Uummatni aanichaa yeroo ammaa kanatti waan nyaatee jiraatuu fi mana keessa jiraatu dhabuun rakkoo hamtuu Akka keessummeessaa jiran maddeen gabaasan.
Namoota manni jalaa gubate keessaa muraasni kanneen maqaa arganne, Haaji Abdullaahii Qaadir, Kadir Haaji Abdii, Usmaa’il Haaji Abduqaadir, Jamee Abdullaahii, Sheek Huseen Ismaa’il, Muusaa Aliyyii kanneen jedhaman ta’uu maddeen Arraata Biyyoolessa Oromiyaatti himaniiru.
