ONM-ABO Muddee 22, 2024
Waraanni Bilxiginnaa Muddee 19, 2024 godina Boorana Bahaa aanaa Liiban ganda Algee Qarsaa aradaa Dhaddacha Goolaatti Manneen uummataa hedduu qabeenyaa waliin ibiddaan gubee barbadeesse.
Araddaadhuma kanatti Muddee 20, 2024 waraanni Bilxigginnaa kunneen uummata nagaa 10 ol, loonii fi ree’ota uummataa waliin fuudhanii deemanii jiru.
Warraanni kunneen qonnaan bultoota aanaa Liiban rakkoo roobaan rakkatanii fi oomishni dhabamuun dararaa argaa jiran gargaaruu dhiisuun faallaa isaa jireenya isaanii golgoleessaa jiru.
Jimaata dheengaddaa Muddee 20, 2024 dargaggeessa tokko aanaadhuma Liiban kana keessatti ajjeesuun gatanii biraa deemuu gabaasuun keenya ni yaadatama.
