ONM-ABO Amajjii 11, 2025
Miseensonni waraana Bilxiginnaa fedhaanis ta’u, dirqamaan loltuu ta’uun bututtuu impaayera Itiyoophiyaa suphuuf naannoolee impaayerattiin qabdu cufa keessatti bobbaafaman yeroo addaa addaatti akkaataa isaaniif mijateen sirnicha ganuun mooraa Bilxiginnaa keessaa miliqaa kan jiran ta’uun ni beekama.
Amajjii 8, 2025 aanaa Saasiggaa mooraa waraana Bilxiginnaa bulchiinsa magaalaa Jimaataa keessaa miseensonni milishaa PP 2 miliquun gooticha Waraana Bilisummaa Oromoo bira nagaan qaqqabanii jiraachuun ibsameera.
Miseensonni milishaa Bilxiginnaa duraanii kunneen, armaan duras fedhii isaanii malee dirqamaan kan ukkaamfaman yoo ta’an, isaanis guyyoota muraasa qofa leenji’uun meeshaa malee harka qullaa kan bobbaafaman ta’uu Arraata Biyyoolessa Oromiyaaf eeranii jiru.
