ONM-ABO Bitooteessa 30, 2025
Aanaa Booraatti hidhamtoonni siyaasaa maqaa hidhata waraana Bilisummaa Oromoo qabdu jedhuun baay’inaan 200 ol ta’an murtii seeraa malee waggaa tokkoo fi baatii 6 oliif hidhamanii hiraarfamaa jiraachuu maddeen ONM’tti himaniiru.
Hidhamtoota siyaasaa waajjira poolisii aanichaatti hidhamanii jiran keessaa dubartoonni 45 ol ta’uun kan himamu oggaa ta’u, kanneen maqaa arganne murasni:
- Caaltuu Girmaa,
- Shurtuu Daadhii,
- Biiftuu,
- Iftuu fi
- shamarree maqaan ishee Dammee jedhamtu dhalootaan aanaa Dugdaa ganda Waldaa Qal’inaa kan taate
dabalatee hidhamtoonni kunneen doorsisaa fi hiraarfamni ulfaataan irratti raawwachaa jiraachuun beekameera.
Murni Bilxiginnaa sabboontota aantummaa sabaa qabanii fi kanneen dhiibbaa hawaasa irra ga’u morman adamsee hidhuu fi ajjeesaa kan jiru yoo ta’u, gariin ammoo ukkaamsee mana hidhaa keessaa baasuunis dhabamsiisaa akka jiru ibsameera.
