ONM-ABO Waxabajjii 27, 2025
Abbaan murtii Arjentiinaa Kamisa kaleessaa akka jedhanitti, bara 1994tti wiirtuu hawaasaa Yihudootaa Boonas Ayres keessatti namoota 85 ajjeeseen boombii darbachuu keessatti gahee kanneen qaban jedhaman lammiileen Iraan fi Libaanos 10 bakka hin jirretti akka dhimmi isaanii ilaalamu ajaje.
Haleellaan kun hawaasa Yihudootaa Laatiin Ameerikaa keessaa guddaa irratti badiisa kan uumus osoo hin furamne kan asi ga’e yoo ta’u, Arjentiinaa fi Israa’el badii kanaaf Iraan gareeb Shihaa Hizboollaa fayyadamtee akka raawwatte shakkaniiru.
Kamisa murtii isaanii, kan AFPn argame keessatti, abbaan murtii Daani’eel Raafees, murtiin erga boombii darbatamee booda waggoota kurnan sadii oliif dhimmicha mana murtiitti erguuf kennamuu himaniiru.
Bakka hin jirretti yaaluun “yoo xiqqaate dhugaa saaquuf yaaluun waan ta’e irra deebi’ee ijaaruuf” hayyamuu ibsuun, gochi kunis hawaaasa Yihudootaa irratti Adoolessa 18,1994 raawwachuun barameera.
Du’a 85n alatti seenaa Arjentiinaa keessatti haleellaa miidhaa namoota 300 ol galmaa’eera. Haleellaa kanaan namni to’annoo jala oole hin jiru jechuun France 24 gabaaseera
