ONM-ABO Sadaasa 2, 2025
Godina Baalee Lixaa aanaa Sinaanaatti murni Bilxiginnaa kan saamichaan hidda gadi jabeeffatee impaayeratti bulchuu barbaadu caasaalee isaa gubbaa hanga gadiitti bobbaasee hojiiwwan hannaa fi malaammaltummaa raawwachaa jiru jabeessuun uummata gidirsaa jiraachuu jiraattotni ibsan.
Akka jiraattonni jedhanitti aanaa Sinaanaatti maqaa kaffaltii adda addaatiin maallaqni yeroodhaa yerootti guuramaa kan jiru oggaa ta’u, namni maallaqa inshuraansii fayyaa, gibira manaa fi lafaa, kaffaltii fannoo diimaa, deggersa waraanaa, uffannaa milishaa, ijaarsa gamoo paartii Badhaadhinaa fi kanneen biroon harkaa guuraa akka jiran dubbatu.
Maallaqni uummata harkaa fuudhamus marsaa tokko qofaaf osoo hin taane baatii keessatti irra deddeebiin kan gaafatan oggaa ta’u, namoonni qarshii gaafataman kaffaluuf gaaffii ykn mormii agarsiisnaan hidhaa fi reebichi loltoota ergamtoota sirnichaan irratti raawwatamaa akka jirus itti dabaluun addeessaniiru.
