ONM-ABO Amajjii 31, 2026
Waraana duguuggaa Israa’el Gaazaa irratti geggeessitu keessatti dhukaasa dhaabuu dadhaboo ta’e gidduutti Ameerikaan Israa’eliif gurgurtaa meeshaa waraanaa doolaara biiliyoona 6.67 raggaasifteetti.
Ministeerri Dhimma Alaa Ameerikaa Jimaata kaleessaa akka jedhetti Israa’el meeshaalee waraanaa Ameerikaan hojjetaman kanneen akka helikooptaroota haleellaa Apaachii 30 doolaara biiliyoona 3.8 fi konkolaattota haleellaa waraana miillaa doolaara biiliyoona 1.98n bitachuuf mirga ishee ibseera.
Helikooptaroota Apaachii kunneen Israa’eliif kan gurguraman Booying fi Lookhiid Maartiin akka ta’e dhaabbati oduu Rooyitars gabaaseera. Kontiraata waraanaa sadaffaanis doolaara miiliyoona 740 kan badhaafame ta’uu fi doolaarri miiliyoona 150 kan biraa ammoo helikooptaroota tajaajila salphaa ta’aniif kan oolu ta’a jechuun Rooyiters gabaaseera.
Ministeerri Dhimma Alaa ibsa Jimaata kenneen, “Ameerikaan nageenya Israa’eliif kutannoo qabdi, Israa’el dandeettii ofirraa ittisuu cimaa fi qophaa’aa ta’e akka guddifattu fi akka eegdu gargaaruun dantaa biyyaalessaa Ameerikaaf murteessaadha” jedheera.
Gareen mirga falmanii fi ogeeyyiin Dhaabbata Mootummoota Gamtoomanii US meeshaa waraanaa gara Israa’elitti ergitu akka dhaabdu yeroo hunda gaafachaa kan turan yoo ta’u, kunis dandeettii Israa’el Gaazaa keessatti waraana geggeessuuf jirtuuf boba’aa ta’eera jedhu jechuun Al Jazeeraan gabaaseera.
