ONM-ABO Guraandhala 5, 2026
Godina Harargee Bahaa Aanaa Gooroo Guutuu magaalaa Kaarra Miillee keessatti ergamtoonni impaayera Itoophiyaatti umrii dheeressuuf wirriiqqatan gaafa Amajjii 29, 2026 halkan toora sa’aatii 3:00 ilmaan Oromoo duraan naannoo Soomaalee irraa buqqa’anii magaalicha qubatan irratti mana diigaa turuu jiraattonni Arraata Biyyoolessa Oromiyaatti himan.
Jiraattonni manni irratti diigamee fi jalaa caccabe kunneen shiraa fi bu’aa siyaasaa murna Bilxiginnaan bixxilameen qabeenya isaanii irraa kan buqqa’an yoo ta’u, magaalaa Kaarra Miillee keessatti erga gargaarsa hawaasaan qubsiifamanii booda immoo magaalicha irraa akka ka’aniif tiksitoota sirnichaan doorsifamaa jiraachuun ifoomee jira.
Deggarsa karaa qaamolee adda addaa isaaniif godhamus erga waggaa sadiitii as osoo waan tokko hin argatiin rakkachaa kan turan yoo ta’u, mana isaanii irratti diiguun jaleewwan Bilxiginnaa yaaddoo hamaa fi abdii kutannaa keessa isaan galchee jiraachuun baramee jira.
Kutaalee Oromiyaa adda addaa keessatti ilmaan Oromoo shira mootummaan gabroomfataa PP dalageen qe’ee fi qabeenya isaanii irraa buqqa’anii magaalotaa fi baadiyyaa keessa qubatan gargaarsa dhabuun jireenya harkaa gara afaanii illee jiraachuuf rakkataa jiraachuun kan beekamudha.
