ONM- ABO Caamsaa 29, 2023
Mootummaa gabroomfataan bilxiginnaa afaan qawween Saba Oromoo cabsaa diinagdeenis uummata kuffisee hiyyummaa hamtuuf hawaasa saaxilaa jira.
Haaluma kanaan Godina Harargee Bahaa Magaalaa Awwadaay keessatti halkan dheengaddaa jechuun caamsaa 27, 2023 konkolaattota jimaa gara magaalaa awwadaayitti geessan waraanni gabroomfataa pp Akka magaalaa hin seenne jechuun konkolaattota of duuba deebisan.
Sababa kanaanis jimaan maallaqa hedduutti tilmaamamu gatiin isaa waan baay’ee jalaa gad bu’eef hawaasni kasaaraaf saaxilamuun dhagaa’ame.
Kana malees waraanni pp kun daandii gubbaa irra deemuun namoota nagaa dhimma dhuunfaa isaaniif daandiirra deeman reebicha ulfaataa irraan ga’uun mana hidhaa magaalaa Harammayyaatti guuraa jiru.
Akkasumas jimaata darbe magaalaa Awwadaay ganda usmaan keessaa namoota lama qabuun hiriira nurratti baassisuuf namoota nurratti qindeessaa jirtu jechuun badii tokko malee hawaasa naannichaa mana hidhaatti galchuun dararaa jiraachuu maddeen Arraata Biyyoolessa Oromiyaa gabaasaniiru.
