ONM-ABO Waxabajjii 24, 2023
Hidhattootni murna faashistii PP Wiixata darbe Waxabajjii 19, 2023 guyyaa saafaa naannoo sa’a 7:00tti obboleeyyan sadii godina baha Wallaggaa bulchiinsa magaalaa Naqamtee keessatti qabuun achi buutee dhabamsiisanii jiru.
Obboleeyyan sadan hidhattoota faashistii PP’n qabaman kun magaalaa Naqamtee naannoo Dirree Tokkummaa kireeffatanii kan jiraatan yoo ta’u, maqaan isaanii Taakkalee Fiqaaduu, Magarsaa Fiqaaduu fi Caalaa Fiqaaduu jedhamu.
Erga qabamanii guyyoota lakkoofsisus, maatii fi hiriyoonni isaanii manneen hidhaa magaalattii irra deemuun gaafatanis qaamni arginee jirra jedhuun hin argamne.
Maatiin barbaadee dhabee bilbila harkaa isaanii irratti yeroo bilbilu qaamonni qaban kaasuun reeffi isaanii hospitaala galee awwaalamee jira jechuun maatiitti qoosaa jiraachuu maddeen Arraata Biyyoolessa Oromiyaatti himaniiru.
