ONM-ABO Adoolessa 15, 2023
Murni yakka tokko malee ilmaan Oromoo adeemse hidhuun hojii idilee isaanii irraa dhaabee qorqalbii cabsuu barbaadu, guyyaa irraa gara guyyaatti ilmaan Oromoo mana hidhaatti guuraa jira.
Akka kanaanis Kaaba Oromiyaa godina Walloo aanaa Harxummaa Fursee magaalaa Qiciicoo irraa Adoolessa 13, 2023 ilmaan Oromoo Umar Hajii, Yaasin Aliyyuu, Ibraahim Aliyyuu, obboolaa lamaan yoo ta’an, Ahimed Umar, Ibrahim Umarii fi Ahimed kanneen jedhaman qabanii hidhanii jiru.
Sababa kanaanis hawaasni baadiyaa sodaa hidhaa irraan kan ka’e magaalaa Qiciicoo deemuun gabaa irraa waa bitaachuu dhaabee jiraachuun barameera.
Hidhaan kun godina Bunnoo Beddellee aanaa Gachi ganda Dikee Bakkaalee jedhamu keessatti Adoollessa 12, 2023 hidhata Waraana Bilisummaa Oromoo qabdu jechuudhaan nama Kadir Bulti, Qaasimaa Mahaammad, Fadiluu Ahimed, Sheek Huseen Sirnaa abbaa amantaa, Jabaluu Zeenuu Muktaaru Muusaa fi kanneen maqaan nu hin ga’in jiru hidhanii jiraachuu maddeen Arraata Biyyoolessa Oromiyaatti himaniiru.
