ONM-ABO Hagayya 7, 2023
Murni bilxiginnaa fedhii yeroo dheeraaf aangoo irra turuu isaa jabeeffachuuf ilmaan Oromoo akka barcuma isaa tiksaniif humnaan qe’ee isaanii irraa qabuun leenjii waraanummaa kenneefii bobbaasus, ilmaan Oromoo kunneen kaayyoon Abiy Ahimed farra Oromummaa ta’uu hubachuun surnicha keessaa baduu itti fufanii jiru.
Akka kanaanis kaleessa Hagayya 6, 2023 miseensotni raayyaa ittisa impaayerattii 2 godina Qellem Wallaggaa aanaa Anfilloo magaalaa Seertumii irraa qawwee AKM Turkii 1, dachaatuu 1, rasaasa 387, boombii 1 fi hidhannoo 2 fudhatanii WBO bira yoo ga’an, milishaan sirnichaa tokkos qawwee AKM tokko waliin gooticha Waraana Bilisummaa Oromootti makameera.
Torbe darbe Adoolessa 28, 2023 miseensotni raayyaa ittisa impaayerattii 3 godina Arsii Bahaa aanaa Jajuu magaalaa Addis Hiwoot jedhamtu keessaa kutaa waraanaa 86ffaa reejimantii 2ffaa irraa AKM 3 Turkii 2, fi raashiyaa 1, rasaasa 569, boombii F1 4 fi hidhannoo 3 fiduun mooraa qabsoo bilisummaa Oromoof oolchanii jiru.
Ilmaan Oromoo waraanummaan sirna balfamaa bilxiginnaa tajaajilaa turuun WBOtti makaman gocha dabaa armaan dura saba isaanii irratti raawwatanii fi raawwachiisaniif dhiifama gaafachuun, kanaan booda saba isaaniif WBO waliin hanga wareegamaatti akka hojjetan ejjennoo isaanii ibsaniiru.
