ONM-ABO Hagayya 28, 2023
Guutuu Oromiyaa keessatti ilmaan Oromoo maqaa Waraana Bilisummmaa Oromoo deggertu, nyaachistuu fi dhiyeessii mijeessituuf jedhuun sobaan yakkanii namoota nagaa mana hidhaatti guuraniii gidirsuun kutaalee Oromiyaa garaagaraa keessatti jabaatee itti fufee jira.
Bifuma Kanaan maqaa Waraana Bilisummmaa Oromoo waliin hidhata qabdu jedhu hordofee godina Buunnoo Beddellee aanaa Cawwaaqaa ganda Duukii keessaa namoonni nagaan qabamuun mana hidhaatti hiraarfamaa jiraachuu maddeen himan.
Hagayya 24, 2023 namoota maqaan isaanii Abdullaa Ahimed, Shamshuu Bakar fi Aliyyii Bakar jedhaman faallaa siyaasa bilxiginnaas ta’e hirmaannaa siyaasa kamiiyyuu kan hin qabne, Oromummaa isaanii qofaan yakkamanii hidhamuun wajjiira poolisii aanaa Caawwaqaa keessatti dararaa argaa akka jiran jiraattotni aanaa Caawwaaqa Arraata Biyyoolessa Oromiyaatti himaniiru.
