ONM-ABO Fulbaana 4, 2023
Duula bifa haaraan Oromiyaa keessatti waraanni faashistii PP eegaleen waraanni isaa ilmaan Oromoo godina Lixa Shaggar aanota hedduu irraan miidhaa lubbuu, qaamaa fi qabeenyaa irraan ga’anii jiru.
Hagayya 7, 2023 kaasee hanga Hagayya 31, 2023tti aanota adda addaa keessatti ajjeechaa, hidhaa, reebichaa fi saamicha ulfaataa irraan ga’aa turan.
Aanaa Cobiitti guyyaa tokkotti qofa namoota 10, Akkasumas Jabduu, Midaaqenyi, Jalduu fi Amboo keessatti gochootni suukkanneessoo kunneen raawwatan.
Ajjeechaa mana tokko keessaa miseensota maatii afur irratti raawwachuu hanga saamichaatti kan geggeessan yoo ta’u, namootni waraanni faashistii PP kun rasaasaan rukutee ajjeesses hedduu dha.
Aanaa Liiban Jaawwii keessatti daa’ima baatii 6 kaasee hidhaan aanota godinichaa cufa keessatti geggeeffamaa jiru hammaachuu irraan kan ka’e hawaasni gidiraa argaa jiraachuun barameera.
