ONM-ABO Amajjii 22, 2023
Mataan nafxanyootaa koloneel Abiy Ahimed waraana isaa hawaasa nagaatti bobbaasee Oromiyaa guutuu keessatti dararaa guddaa raawwachaa kan jiru yoo ta’u, yeroo ammaa dhiibbaa loltootni kunneen geggeessaa jiraniinis namootni hedduun ajjeefamuu fi qaama hir’uu ta’uun gadadoo ulfaataa argaa jiru jechuun jiraattotni aanaa Saasiggaa dubbatu.
Akkuma kanaanis Amajjii 18, 2024 godina baha Wallaggaa aanaa Saasiggaa ganda Qarsaa Mojoo jedhamu keessatti Garramuu Tolosaa nama Jedhamu waraanni maafi’aa PP qaama seeraatu si barbaada jechuun ati WBO waliin hariiroo uumtee jirta maqaa jedhuun qorannoo tokko malee reebicha irratti taasisaniin yeroo ammaa kana haalli fayyummaa isaa nama yaaddessa jechuun namootni itti siqeenyaan dhimma isaa beekan ONMtti himaniiru.
Waraanni maafi’aa PP kunneen dhiibbaa ajjeechaa fi reebichaan alattis saamicha qabeenyaa jiraattota irratti raawwachaa akka jiran Kan himamu yoo ta’u, ganduma Qarsaa Mojoo keessatti Ogeessa fayyaa Iddoosaa Gammachuu Jedhamu jalaa dawaa mana yaalaa isaa keessaa guutummaa guutuuttii waan jiru saamuun akka deemanis beekameera.
