ONM-ABO Guraandhala 28, 2024
Dirree saamtootaa kan taasifatan Oromiyaa murni bilxiginnaa, loltoota bakkeewwan hedduutti maqaa sakkatta’insa WBO jedhuun bobba’anii jiraniin qabeenyaa hawaasaa waan inni mana keessaa qabu tokkollee osoo hin hambisin konkolaataa isaaniitti fe’achuun uummata harka qullaatti hambisaa jiru.
Guraandhala 26 hanga 27tti godina Qellem Wallaggaa aanaa Anfilloo ganda Yaarer keessatti hidhattootni sirnichaa guyyoota lamaaf walitti aansuun qabeenya hawaasa nagaa saamuu akkuma itti fufanitti jiru.
Guyyaa kaleessaa jechuun Guraandhala 27, 2024 gandichuma keessaa qonnaan bulaa maqaan isaa Ifaa Masgabuu jedhamu jalaa buna kuntaala hedduu akkasumas mi’a mana keessaa dabalatee jalaa saamuu jiraattotni ONMtti himaniiru.
Guyyaa kaleessaas gandicha keessaa qabeenyaa namootaa saamuu isaaniis gabaasaa turuun keenya ni yaadatama.
