ONM-ABO Ebla 22, 2024
Bilxiginnaan sochii duula WBO balleessuu jedhuun Oromiyaa kutaalee adda addaa keessatti sarbamiinsa mirgoota namoomaa hawaasa irratti geggeessaa akka jiru jiraattonni dubbatan.
Sochii sakatta’insa WBO jedhu kanaanis ji’a Ebla kana keessa aanota akka Coomman Guduruu, Jimmaa Gannatii, Abaaboo Guduruu, Sulula Finca’aa, Jaartee, Amuruu, Abee-Dongooroo fi kanneen hafan biroo keessatti namoota nagaa qabuun hidhuu fi saamaa akka jiranis himu.
Tarsiimoo maqaa WBO dhabamsiisuu jedhuun duula ijibbaataa irratti kan argamu murni bilxiginnaa hojjeettota mootummaa seekteroota adda addaa irraas dirqamaan baadiyyaa keessa bobbaasanii akka jiranis himaniiru.
Namoonni dirqamaan WBO adamsitu jedhamanii waraana faashistii PP’n bobbaafaman kunneen meeshaalee waraanaa malee sochii baadiyyaa keessatti gochaa akka jiranis barameera.
Dabalataanis manneen miseensota waraana bilisummaa Oromoo deemuun maatii dirqamsiisanii ilmaan keessan waraana keessaa galchaa kanaan achi isin fixna jechuun doorsisaa akka jiranis dabaluun himaniiru.
