ONM-ABO Waxabajjii 15, 2024
Raamaafoosaan ganna 71, hoogganaan paartii Kongiresii Biyyoolessaa Afrikaa (ANC) sagalee 283 argachuun, Juuliyaas Maaleemaa paartii Qabsa’aa Bilisummaa Diinagdee (EFF) kan sagalee 44 argate injifate.
Hanga filannoo biyyoolessaa Caamsaa 29 gaggeeffame irratti sagalee caalmaa dhabetti, Paartiin ANC yeroo tokko nama mirga siiviilii Nelson Maandeellaan durfamu waggoota kurnan sadan darbaniif siyaasa Afrikaa Kibbaa irratti ol’aantummaa kan qabu ture.
Paartiin ANC mana maree biyyoolessaa miseensota 400 qabu kana keessatti miseensota mana maree 159 waan qabuuf, ofii isaatiin mootummaa ijaaruun akka isa rakkisu taasiseera. Mootummaan tokkummaa sabaa akka ijaaramus yaada dhiheesse.
Jimaata ANC’n Gamtaa Dimookiraatawaa (DA), Gamtaa Sabboonummaa (PA) fi Paartii Bilisummaa Inkaataa (IFP) waliin mootummaa tokkummaa biyyaalessaa ijaaruuf waliigaltee irra gahe.
Raamaafoosaan miseensota paarlaamaa sagalee isaaf kennan galateeffachuun lammiilee Afrikaa Kibbaa hundaaf hojjechuu fi tajaajiluuf waadaa galaniiru.
Paartileen siyaasaa filannoo cimaa fi qoqqoodinsa uumameen dorgoman mootummaa tokkummaa biyyaalessaa keessatti waliin hojjechuuf waliigaluu isaanii arguun yeroo guddaa ta’uu haasaa taasisaniin dubbataniiru.
“Ifa ifatti ibsuun barbaada, kun gamtaa guddaa paartilee lamaa fi sadii miti,” kan jedhan Raamaafoosaan, paartileen hedduun fedhii isaaniitiin mootummaa tokkummaa biyyaalessaatti akka makaman simatamuun isaanii ni yaadatama.
Maalemaan Ramaphosa’n irra deebiin filatamuu isaaniitiin baga gammaddan kan jedhan yoo ta’u, paartilee mootummaa tokkummaa biyyaalessaa keessa jiran tokko tokko keessattuu Gamtaa Dimookiraatawaan keessatti akka hin gammanne dubbataniiru.
Paarlaamaan isaanii mormituu sagalee guddaa qabu kan hojii raawwachiiftuu sakatta’u waan ta’eef, akka hojiirra oolu ni mirkaneessa jedhan jechuun Anadolun gabaaseera.
