ONM-ABO Adoolessa 11, 2024
Maqaa nageenya eegnaan Waraanni gabroomfataan PP baadiyyaa Oromiyaatti bobba’aa jiran qabeenya saamuu, mana gubuu, namoota jumlaan qabanii hidhuu fi ajjeechaa raawwachuu jabeessanii jiru.
Oromiyaatti erga labsiin yeroo hatattamaa maqaa olaantummaa seeraa kabachiifnaan murna bilxiginnaan labsamee as daldaltoota, jiraattotaa fi dargaggoota irratti hidhaa fi doorsisi qaqqabu akkaan jabaatee itti fufuun uummatni qe’ee isaa irratti wareegama kaffalaa jira.
Bifuma kanaan Adooleessa 7, 2024 godina Lixa Shaggar aanaa Meettaa Wal-Qixxee ganda Meexxii Harootti waraanni maqaa sakattaa WBO’n sochii taasisan namoota maqaan isaanii: Tolosaa Mokonnon, Badhaadhaa Garramaa, Damisoo Garramaa, Tolosaa Yaadasaa, Shifarraa Amansiisaa, Taayyee Koorsaa, Darajjee Laggasaa fi Qananii Badhaasaa jedhaman qabuun hidhanii dararaa jiraachuun beekameera.
Bakkeewan hedduutti waraanni PP sochii godhaniin gara laafummaa tokko malee dhiibbaa godhan itti fufuun jiraattonni yaaddoo jireenyaan rakkachaa akka jiranis dabaluun ONM’tti himaniiru.
