ONM-ABO Adoolessa 25, 2024
Ministirri Dhimma Alaa Chaayinaa Wang Yi Roobii darbe magaalaa Kibba Chaayinaa Guwaaangizuu keessatti Ministira Dhimma Alaa Yukireen Dimiyitro Kulebaa waliin mari’achuun gareewwan lachuu tumsa qabatamaa damee adda addaatiin cimsuu qabu jedhan.
Miseensa Biiroo Siyaasaa Koree Giddugaleessaa Paartii Koominiistii Chaayinaa (CPC) kan ta’an Waang, walgahiin guutuu sadaffaa koree giddugaleessaa CPC 20’ffaa marsaa haaraa haaromsa bal’inaan gadi fageessuu jalqabeera jedhan. Chaayinaan ammayyeessummaa Chaayinaa bal’inaan babal’isuun ishee namoota hundaaf carraa haaraa kan fidu ta’uu Waang dabalaniiru.
Yukireen biyyoota jalqabaa jalqabbii Beeltii fi Daandii deggaran keessaa tokko ta’uu ishee kan ibsan Waang, Chaayinaan waggoota dhiyoo asitti michuu daldalaa Yukireen guddittii fi bakka oomisha qonnaa Yukireen al-ergii guddaa ta’uu ibsaniiru. Walakkaa bara 2024 jalqabaa keessatti heddumminni daldala biyyoota lamaanii guddina ariifataa galmeessisuun iddoo fi dandeettii tumsi biyyoota lamaanii ga’e agarsiisa jedhan.
Wang gama Yukireen gargaarsa lammiilee Chaayinaa, keessumaa barattoota idil-addunyaa, sadarkaa jalqabaa waldhabdee Yukireen keessatti uumameen, bakka irraa baasuuf godheef galateeffachuun, Yukireen nageenya hojjettootaa fi dhaabbilee Chaayinaa mirkaneessuuf tarkaanfiiwwan bu’a qabeessa ta’an fudhachuu akka itti fuftu abdii qaban ibsaniiru jechuun Shinuwaan gabaaseera.
