ONM-ABO Fulbaana 8, 2024
Nageenya uummataa eeguu mitii ofuu kan hin eegne waraanni Bilxiginnaa saamichaaf jecha maqaa adda addaan meeshaa hidhachuun uummata harka qullaatti hambisaa jiru.
Murni bilxiginnaa teessuma aangoo isaaf jecha kashalabboota qonnaa hin jaallannee hawaasa keessaa funaanuun qawwee itti hidhee uummata keessa bobbaasuun har’a rakkoo hamaa uumuun hawaasa harka duwwaatti hambisaa jiru.
Haaluma kanaan Baha Shaggar aanaa Dugdaa magaalaa Maqii keessatti Fulbaana 6, 2024 daandii magaalaa bahee gandoota baadiyyaa geessu irratti milishoonni sirnichaa sakkattaa fakkeessuun uummata saamaa turuun beekamee jira.
Baay’inaan naannoo Baqqalee Girrisaa irratti milishoonni maqaan isaanii Shimallis Nugusee fi Masfiin Fiqaaduu, Misgaanuu Saxaroo, Taaddee fi Solomoon Barwaaq jedhaman saamicha geggeessaa jiraachuun barameera.
