ONM-ABO Fulbaana 21, 2024
Murni Bilxiginnaa abbaa irrummaa isaa daran cimsuun humna waraanaa hawaasa nagaatti bobbaasee humna cimaa sirnichaaf amanamummaa qabu, karoora ajjeesuu, saamuu, hidhuu fi manneen jiraattotaa gubuuf ijaaree jiruun uummatni hiraarfamaa jira.
Bifuma kanaan karoora badii qabatanii jiran lafa irratti mul’isuun Fulbaana 19, 2024 godina Baha Shaggar aanaa Dugdaa keessatti nama maqaan isaa obbo Ifaa Qabaatoo Badhoo jedhamu waraanni gara jabeeyyiin Bilxiginnaa rasaasa itti roobsuun akka ajjeesan beekameera.
Obbo Ifaan osoo hin ajjeefamin duras waraana abbaa irree Bilxiginnaa kanaan qarshii kuma soddoma akka saamame kan himan jiraattonni, yeroo gabaasni kun qindaayyetti maatiin akka hin awwallanneef dhorkuun bakkeetti eegaa akka turanis jiraattonni ONM’tti himaniiru.
