ONM-ABO Onkoloolessa 15, 2024
Waraanni maal akka loluu fi eenyuun akka lolu hin beekne, akka horiitti ergama dabaa garee cubbamootaa garboomfataa PP irraa fudhatee dachee Oromiyaa guutuutti sarbamiinsa mirgoota namoomaa ilmaan Oromoo irratti godhu jabeessee itti fufee jira
Haaluma kanaan torban lamaan darbee kaasee godina Baha Shaggar aanaa Adaamii Tulluu fi Jiddoo Kombolchaa ganda Aluutootti kaabinoonni fi waraanni faashistii PP uummata gandichaa irratti dararaa gurguddaa fi hidhaa geggeessaa jira.
Kaabinootni manneen hidhaatti namoota guuran maqaan isaanii:
- Kadir Qassoo,
- Abbush Abbaatii,
- Abbittii Jiloo,
- Nageessoo Binoo fi
kanneen biroon waliin ta’uun namoota hedduu kan hidhan ogguu ta’u, hanga gabaasni kun qindaa’etti dhiirota 50 fi dubara 10 waliigalatti namoota 60 ganda tokkicharraa qabuun akka hidhan beekameera.
Kanamalees kaabinoonni maqaan isaanii Buttii Buttaa, Gammachuu Jaamboo fi lukkeeleen biroon waliin ta’uun jiraattota baay’inni isaanii 70 ta’e ganda Abbayyii Dannabbaa irraa yoo qaban dhiirotni 40 fi dhalaan 30 keessatti akka argaman jiraattonni ONM’tti himan.
Kaayyoon murna bilxiginnaan maqaa caasaa haaraa gandoota baadiyyaatti ijaaruu jedhuun jiraattota gandoota baadiyyaa hidhaatti guuraa akka ta’es ifoomeera.
