ONM-ABO Muddee 15, 2024
Murni Bilxiginnaa gantoota maqaa WBO’n Bilxiginnaatti harka kennatan WBO karaa nagaan galaniif ummanni ba’uun simannaa taasisaa jira maqaa jedhuun godinaalee Baalee Lixaa fi Baalee Bahaatti tumsaa fi deggersi akka barbaachisu jiraattotatti himuun, dharaan uummata qaala’iinsa jireenyaan dararamaa jiru irratti saamicha daangaa darbe irratti taasisaa akka jiran jiraattotni hadheeffachuun dubbatu.
Bifuma kanaanis aanaalee godinoota kanneenii aanaa Goobbaa, Gaasaraa, Agarfaa, Sinaanaa, Diinshoo, Gooroo, Haroo Duumaal (Barbaree) fi kanneen birootti abbootii qabeenyaa kanneen dukkaana qaban, abbootii konkolaataa qaban irraa kaasee hanga jiraattota harka qalleeyyiitti maallaqa irraa guuraa jiraachuun barameera.
Kana malees maqaa kaffaltii gibiraa, inshuraansii fayyaa fi deggersa ijaarsa Paartii Badhaadhinaa akkasumas nyaataa fi uffannaa milishootaa jedhuun maallaqni deggersaaf akka ooluuf daandii gubbaa dhaabbatanii jiraattota irraa guyyoota gabaa harkaa guuraa jiraachuus maddeen ibsaniiru.
