ONM-ABO Muddee 31, 2024
Taalibaan gareewwan miti mootummaa biyyaalessaa fi alaa Afgaanistaan keessatti dubartoota qacaran hunda ni cufna jedhu.
Kunis kan ta’e erga dhaabbilee miti mootummaa dubartoota Afgaanistaan uffata mataa Islaamaa sirritti hin uffanneef jedhame qacarrii isaanii akka addaan kutan erga itti himanii waggaa lama booda. Xalayaa Wiixata galgala X irratti maxxanfameen, Ministeerri Diinagdee ajaja isa haaraa kana kabajuu dhabuun dhaabbileen miti mootummaa Afgaanistaan keessatti hojjechuuf hayyama akka dhaban akeekkachiiseera.
Ministeerichi hojiiwwan dhaabbilee biyyaalessaa fi alaatiin raawwataman hunda galmeessuu, qindoomina, hoggansaa fi to’annoo akka qabu ibseera. Mootummaan ammas dhaabbilee Taalibaan hin to’atamne keessatti hojiin dubartootaa hundi akka dhaabbatu ajajaa akka ture xalayaan kun ni mul’isa jechuun The Associated Press gabaaseera.
