ONM-ABO Amajjii 2, 2025
Qurxummii balleessuuf galaana gogsuu qabna jechuun yeroo hunda kan dhaadatan ergamtoonni murna maafiyaa PP, kutaalee impaayerattii cufa keessaa sabboontota ilmaan Oromoo sababa Oromumummaa isaanii qofaaf yakkuun akka bineensaatti adamsanii mana hiraarsaatti guuruu cimsanii itti fufanii jiru.
Muddee 29, 2024 aanaa Nuunnuu Qumbaa ganda Waamaa Lalisaa bakka addaa Furdisaa jedhamuun beekamu keessaa namoota maqaan isaanii:
- Gurmuu Waakkennee fi
- Mootii Yaadasaa
jedhaman loltoonni Bilxiginnaa badii tokko malee ukkaamsuun hidhanii dararaa jiraachuu maddeen Arraata Biyyoolessa Oromiyaatti himaniiru.
Namoonni kunneen siyaasa kam keessa kan hin jirre yoo ta’an, akkuma aanichaatti hidhaa fi dararaan maatii qabsaa’otaa irratti raawwatu daran hammaatee jiraachuun dabalataan ibsameera.
