ONM-ABO Amajjii 13, 2025
Pireezidaantiin Ameerikaa Joo Baayiden fi Ministirri Muummee Israa’el Beeniyaamin Netaaniyaahuu Dilbata kaleessaa marii Gaazaa magaalaa guddoo Kaataar Doohaatti gaggeeffamaa jiru irratti mari’atan
“Gaazaatti dhukaasa dhaabuu fi booji’amtoota deebisuun hatattamaan barbaachisaa ta’uu cimsee dubbataniiru. Gargaarsi namoomaa lola waliigaltee kanaan geggeeffamaa ture dhaabuun dandeessifame dabaluudha,” jechuun Waayit Haawus ibseera.
Waamicha Netaaniyaahuu waliin taasisaniin, Baayiden waliigaltee dhukaasa dhaabuu Libaanos, kufaatii sirna Asaad Siiriyaa fi Iraan dabalatee haalawwan naannichaa irrattis mari’ataniiru jechuun dabalee ibseera.
Netaaniyaahuun gama isaatiin Baayiden deeggarsa “jireenya guutuu” Israa’eliif godhee fi deeggarsa “addaa” US irraa nageenya Israa’el fi ittisa biyyaalessaaf gooteef galateeffataniiru.
Torban darbe Baayiden gaazexeessitootatti akka himanitti, marii hidhamtoota jijjiirraa irratti “guddinni tokko tokko” mul’achaa jira.
Mariin hidhamtoota jijjiirraa fi dhukaasa dhaabuu, kan Kaataar, Masrii fi US gidduu galeessa godhate, haal-duree haaraa Netaaniyaahuun kaa’een yeroo hedduu addaan citee jira.
Mormitoonni Israa’el fi maatiin booji’amtootaa Netaaniyaahuun Hamas waliin waliigaltee dhukaasa dhaabuu fi hidhamtoota jijjiirraa Gaazaa irra ga’uuf tattaaffii taasifamaa jiru gufachiiseera jechuun himatu jechuun BBC’n gabaaseera.
