ONM-ABO Amajjii 14, 2025
Kutaalee Oromiyaa adda addaa irraa ilmaan Oromoo jumlaan hidhaatti guuruun dararaa ulfaataa ta’e irraan gahaa qabeenya irratti immoo saamicha hamaa geggeessaa kan jiru, dantaa namummaa kan hin qabne loltoonni Bilxiginnaa yeroo ammaa haala duraan barameen olitti ilmaan Oromoo dararuuf rafanii bulaa hin jiran.
Aanaa Cawwaaqaa ganda Daabanaa jedhamu irraa lukkeeleen PP kun “Waraana Bilisummaa Oromoo bishaan ceesisaa jirtu” jechuun namoota maqaan isaanii:
- Sheek Ibsaa Umaree,
- Adamoo Yaasin,
- Murree Qassoo,
- Baasixoo Huseenii fi
namoota biroo 5 Amajjii 11, 2025 erga qabanii doorsisanii booda tokkoon tokkoo isaanii irraa qarshii 2,000 fudhatanii gadhiisanii deemuu jiraatonni gandichaa himan.
Ergamtootni PP kunneen “miseensaa fi deggertoota WBO dhabama goonee jirra” jechuun sobanii hololaan dhaadataa turuun isaanii illee dabalataan ibsameera.
