ONM-ABO Amajjii 19, 2025
Humnoonni gara jabeeyyiin Bilxiginnaa bakkeewwan bobbaafaman cufatti ilmaan Oromoo saalaa fi umuriin osoo hin fo’in adamsanii ajjeesuu, hidhuu fi saamuu cimsanii itti fufaniiru.
Godina Lixa Wallaggaa magaalaa Gimbii naannoo Baddeessaa Makkoo jedhamutti milishoonni murna PP dargaggoo maqaan isa Amaanu’el Abdiisaa jedhamu kan hojii konkolaachisuummaan hawaasa tajaajilu yakka tokko malee Amajjii 17, 2025 galgala sa’a 2:00’tti rasaasa itti roobsuun ajjeesanii gatuun ibsameera.
Tibba kana akkuma miidiyaa hawaasaa gubbaatti mul’achaa jiru dargaggoonni Oromoo osoo maaloo nu hin ajjeesinaa jedhanii kadhatanii gara jabina waraana faashistii PP’n rasaasaan waadamanii ajjeefamuun cimee itti fufee jiraachuunis beekameera.
