ONM-ABO Amajjii 18, 2025
Oromummaa isaanii qofa hadheeffachuun ilmaan Oromoo guddaa fi xiqqaa osoo hin jenne sababa tokko malee hiraarsuu kan adeeffate Bilxiginnaan gocha diinummaa isaa hammeessuun goleewwan Oromiyaa cufa keessatti saamtota waraana isaa bobbaasuun jiruu fi jireenya Oromoota maraa barbadeessaa jira.
Amajjii 4, 2025 aanaa Sirkaa ganda Soolee Nageelleetti Kariimaa Kadir daa’ima ganna lamaa kan taate mana hidhaatti galchuun halkanii fi guyyaa boo’ichaan sammuu ishee hadoochuun miidhaa hamaa irraan ga’anii jiraachuu maddeen ONM’tti himan.
Saba irraa dhalataniif kabaja namummaa tokkollee kan hin qabne ergamtoonni faashistii PP dantaa isaanii qofa eeggachuuf jecha sarbamiinsa mirgaa lammiilee nagaa irratti hammeessaa kan jiran Oromiyaa guutuu keessatti hidhaa, ajjeechaa, saamichaa fi dararaa hamtuu dhala namaaf hin malle Oromoota irratti geggeessaa oolaniin jiruu fi jireenyi hawaasa keenyaa manca’ee jira.
