ONM-ABO Gurraandhala 10, 2025
Godina Walloo magaalaa Kamisee seensa magaalichaa Kaarra Daamii jedhamuun beekamutti murni Bilxiginnaa baatii lamaa oliif garee saamtota isaa ijaaree keellaa bakkichaa irra kaa’uun maqaa qaraxa jedhuun konkolaataan tokko magaalicha seenuuf yookiin bahuuf qarshii 1000 fi isaa ol kaffalee akka ba’u ifoomeera.
Saamtonni murna PP kunneen konkolaataan fe’umsa homaa of irraa hin qabnes dirqiin akka irratti kaffalamuuf konkolaachistoota hiraarsaa jiraachuu dabaluun eeraniiru.
Konkolaachiftoonni maaliif fe’umsa osoo hin qabaatin kaffalla jechuun gaaffii gaafatanis jumlaan hidhamaa akka jiran ibsameera.
Yeroo ammaas doorsisaa fi saamicha magaalaa Kamiseetti isaan irra ga’aa jiru dheessuun konkolaachiftoonni hedduun kallattii hojii isaanii jijjiiraa jiraachuus ONM odeeffateera.
