ONM-ABO Gurraandhala 18, 2025
Tiksitoonni impaayera Itiyoophiyaa qawwee of harkaa qabanitti dhimma ba’uun haala duraan barameen olitti ilmaan Oromoo hiraarsuu fi boochisuu jabeessanii itti fufanii jiru.
Magaalaa Mattuu ganda Madee jedhamu keessatti jaleewwan Bilxiginnaa wayita ammaa maqaa misooma baala Shaayee jedhuun lafa uummataa faayidaa kanneen akka; ijaarsa manaa fi bakka dheedicha looniif oolan beenyaa tokko malee dirqamaan konkolaataan qotanii biqiltuu baala Shaayee kana irra dhaabaa kan jiran yoo ta’u, namoota “lafti keenya lafee keenya” jedhanii kennuu didan ammoo hidhanii dararaa jiraachuu jiraattonni dubbisne tokko tokko Arraata Biyyoolessa Oromiyaatti himanii jiru.
Namoota lafa keenya hin kenninu jedhanii didan hedduus hidhaatti darbachuun, reebichaa fi doorsisa ulfaataa irraan ga’aa jiraachuunis ibsameera.
