ONM-ABO Bitootessa 4, 2025
Ergamtoonni garaa isaanii qofaaf jiraatan loltoonni faashistii PP kutaalee Oromiyaa cufa keessaa haala duraan barameen olitti ilmaan Oromoo irratti sarbamiinsa mirgoota namoomaa raawwachuu itti fufanii jiru.
Aanaa Sayyoo Noolee ganda Qoree Qookir jedhamu irraa Gurraandhala 19, 2025 loltoonni Bilxiginnaa nama maqaan isaa Barii Oljirraa Roorroo jedhamu badii tokko malee ukkaamsuun achi buutee isaa dhabamsiisanii jiraachuu maddeen Arraata Biyyoolessa Oromiyaatti himanii jiru.
Akka maddeen himanitti, namni kun deggeraa siyaasa dhaaba kamiiyyuu kan hin taanee fi sababa Oromummaa isaa qofaaf yakkamuun gochi dabaan kun irratti raawwatamuu Arraata Biyyoolessa Oromiyaaf eeranii jiru.
